الجمعة، 16 ديسمبر 2011

لمن يشكك في إختيار النهضة لحبيب الصيد








لمن يشكك في إختيار النهضة لحبيب الصيد :




حبيب الصيد أستشهد 3 مرات في الحرب ضد فرنسا 


عارض بورقيبه بسبب تعذيبه للإسلاميين 


وقف كالشوكه في حلق بن علي مما كان سببا في عدم حصول الأخير علي نسبة 


100% 


وانتج معارضة تقدر بنسبة 001;0%


أحرق نفسه في سيدي بوزيد قبل البوعزيزي بيوم

مألف نشيد النهضة في حماك ربنا



أول من قال كلمة تكبـــــــــــــير

أول وزير داخلية في العالم العربي الاسلامي يضرب بيوت الله بالغاز المسيل للدموع 


توة هذا تحبوا النهضة تحرمنا منه
هذا الإختيار سياسي يعبر عن الفترة الإنبطاحية التي  تمر بها النهضة بحثا عن التوافق في إقتسام الكراسي
 
                                  توفيق الغضبان


هناك تعليق واحد:

غير معرف يقول...

منقول Wajdi Abidi
خلاصة الجدل في حكاية الصيد:
-انا من انصار النهضه و موش صحيح حكاية الي احنا نكفرو في الناس و انسبو في الي خالفنا في الراي و متعصبين للنهضه و نتبعو و اندافعو على النهضه حتى و هي غالطه هذا تجني كبير علينا و احنا اكثر الناس الي نحترمو الراي المخالف و ما انردوش السيئه بالسيئه و اخلاقنا تشهد بهذا و بل بالعكس احنا أول الناس ضد الصيد و اول الناس مع المحاسبه و تطهير الادارات من الفاسدين و اول الناس الي قالو للنهضه لا للصيد و حتى واحد مايزايد علينا في الحكايه هاذي.
-احنا قلنا انو معتصمين القصبه 3 الي تعرضو لقمع الصيد لا يقارن بالتعذيب الي تعرضولو قيادات النهضه و ما فما شكون كلا المتراك أكثر من حمادي الجبالي ولا أكثر من صادق شورو ولا من وزير الداخلية الجديد علي لعريض... و الي هوما اليوم رؤساء حكومات ووزراء و في مناصب قوه يعني اكيد احرص من ادمينات الفيسبوك و شباب الثوره على المحاسبه و التطهير و حتى واحد مايزايد عليهم و يتهمهم بالانبطاح و خذلان الثوره و خاصة الي هوما مازالو ماشدوش يخدمو.
-الرساله وصلت للنهضه و التحالف و الناس الكل سمعنا صوتنا للعالم الي احنا ضد تعيين الصيد و هذا واجبنا و هذا دورنا لكن موش من حقنا نفرضو رأينا بالقوه لانو موش بالضروره احنا نملكو الحقيقه الكامله و الحكمه المطلقه و نتذكرو لهنا معارضة النهضه و المرزوقي للقبصه 3 و تبين بعد الي هوماكانو صحاح قالو لا لاسقاط حكومة السبسي و طالبو بالتزام الانتقال السلمي للسلطه عبر الانتخابات و تبين الي هوما بحنكتهم جنبونا الي قاعد يصير في مصر اليوم من فوضى و قتل و انهم عندهم حكمه سياسيه و حنكه اكثر من بعض ثورجية الفيسبوك و لهنا انطيحو شويه من رواحنا و نتواضعو لبعضنا و نعطو فرصه للمسؤولين يقومو بدورهم وواجبهم لكن دورنا كشباب و حقوقيين و احزاب انو نعبرو على راينا و انطالبو و انوصلو صوتنا و هذا تم و الحمد الله و الباقي على المسؤولين و يتحملو مسؤوليتهم في اختياراتهم و سيحاسبون عليه نقطه و ارجع للسطر.
-قلنا انو اذا ثبت تعيين الصيد و وافق رئيس الحكومه و رئيس الجمهوريه و المجلس التأسيسي يعني الموضوع فيه اجتهاد او تمشي معين علمنا حكمته او لم نعلمه نحن عموم الشعب, لانو الاكيد انو فما اسرار دوله و حكايات خافيه علينا و نعملو حساب المافيات الامنيه و الماليه و الاداريه التربصه بالثوره و القوى العالميه و غيرها من الاخطار موش بالضروره نعرفو كل شئ و لهنا ما تقوليش يلزم يخرجو يحكيو بالفرشه هذا موش منطقي لانو اسرار الدوله موش لعبه متاع فيسبوك لكن عزائنا هنا انو احنا عندنا ثقه كبيره في الناس الي اخترناهم و هوما باذن الله قادرين على تحقيق اهداف الثوره الكل و علينا محاسبتهم بعد ما نعطوهم فرصه يخدمو على الاقل 6 شهور.

الموضوع خذا اكثر من حجمو نتمنى انو يكون واضح و بدون مزايدات و اتهامات احنا توا عندنا الحريه و كل واحد يعبرو على رايو لكن المطلوب الالتزام بالاخلاق و الموضوعيه و التحلي بالصبر و البحث على الوفاق و ربي يوفق الجميع